Ізраіль нанёс новую серыю ўдараў па Іране

• 21.06.2025, 9:09

Знішчаныя пускавыя ўстаноўкі.

Войска абароны Ізраіля працягвае паветраную аперацыю ў Іране. Нанесеныя ўдары па пускавых ракетных устаноўках.

Пра гэта паведамляе прэс-служба ЦАХАЛа.

«За апошнія гадзіны блізу 15 знішчальнікаў ВПС Ізраіля нанеслі серыю ўдараў па пускавых ракетных устаноўках на захадзе Ірана», – паведамілі ізраільскія вайскоўцы.

Удакладняецца, што падчас новай серыі ўдараў па пускавых устаноўках з балістычнымі ракетамі выкарыстоўваліся больш за 30 боепрыпасаў. Іншыя падрабязнасці Войска абароны Ізраілю пакуль што не падало.

Незадоўга да гэтага ў ЦАХАЛе паведамілі, што ВПС Ізраіля перахапілі за апошні дзень, 20 чэрвеня, больш за 15 ударных дронаў, запушчаных з Ірана.