Бамбавікі B-2, здольныя несці супрацьбункерную бомбу, вылецелі з авіябазы ў Місуры
- 21.06.2025, 14:12
Трох-васьмі такіх бомбаў дастаткова, каб цалкам вывесці са строю аб'ект Фардо ў Іране.
Ад двух да чатырох бамбавікоў B-2, здольных несці супрацьбункерную бомбу, вылецелі з авіябазы Уайтмэн у штаце Місуры ў заходнім кірунку. Іх суправаджаюць чатыры самалёты-запраўшчыкі.
Пра гэта распавёў у суботу, 21 чэрвеня, сайт «ХаАрец». Толькі пры дапамозе бомбы, якую здольныя несці гэтыя бамбавікі, ёсць надзея разбурыць падземны ядзерны аб'ект у Фардо, які адыгрывае ключавую ролю ў іранскім праекце па стварэнні атамнай бомбы.
Тое, што бамбавікі вылецелі не на ўсход, а на захад, паказвае на тое, што, хутчэй за ўсё, канчатковым пунктам іх маршруту стане авіябаза на востраве Гуам у Ціхім акіяне. Пакуль не зразумела, ці будуць бамбавікі перабазавацца з гэтай базы на базу Дыега-Гарсія, размешчаную за 3500 кіламетраў ад Ірана, і з якой ужо можна атакаваць Іран.
Нагадаем, былы міністр абароны Ізраілю Ёаў Галант напісаў артыкул, у якім паспрабаваў давесці, што Ізраіль у адзіночку, без дапамогі ЗША не зможа разбамбіць ядзерны аб'ект Фардо.
«Аб'ект Фардо пабудаваны ў гарах, якія атачаюць Кум, паглыблены прыкладна на 90 метраў пад вапняком і абаронены дадатковымі пластамі жалезабетону і іншымі ўзмацняльнымі канструкцыямі, якія падвышаюць яго здольнасць вытрымліваць інтэнсіўную паветраную атаку, - напісаў Галант. - Толькі адны вайскова-паветраныя сілы ў свеце здольныя знішчыць Фардо: ВПС ЗША, - напісалі Галант і Фергюсан. — ЗША спецыяльна спраектавалі і пабудавалі супрацьбункерную бомбу GBU-57A/B для гэтай мэты».
Процібункерная бомба важыць амаль 13 тон і мае даўжыню блізу шасці метраў. Яе боегалоўка змяшчае прыблізна 2,4 тон выбухоўкі. Бомба абгорнутая ў цвёрды сталёвы сплаў і запускаецца з вялікай вышыні. Падаючы, яна разганяецца да хуткасці 2-3 Маха, пранікае ў цэль і прабівае пласты абароны, перш чым падарвацца. Трох-васьмі такіх бомбаў было б дастаткова, каб цалкам вывесці са строю аб'ект Фардо.