Вызвалены Сяргей Ціханоўскі

• 21.06.2025, 16:45

(абноўлена) На волю выйшлі 14 палітвязняў.

На волю выйшаў палітвязень, народны блогер Сяргей Ціханоўскі. З ім вызвалены журналіст Ігар Карней, выкладчыца МДЛУ Наталля Дуліна, актывіст анархісцкага руху Акіхіра Гаеўскі-Ханада, Сяргей Шэлег, Галіна Краснянская, Кірыл Балахонаў, Алан Раё, а таксама трое грамадзян Польшчы. Усяго вядома пра 14 вызваленых палітвязняў.

«Дзякуючы моцнаму кіраўніцтву прэзідэнта Трампа сёння былі вызваленыя 14 зняволеных з Беларусі. Дзякуй ураду Літвы за супрацоўніцтва і дапамогу - яны застаюцца сапраўдным сябрам і хаўруснікам», - напісаў у Twitter Джон Коул, намеснік спецыяльнага прадстаўніка Кіта Келага.

Заява была зробленая праз некалькі гадзін пасля сустрэчы Келага з Лукашэнкам.