Сырскі раскрыў, што дазволіць украінскаму войску перайсці ў контрнаступ
- 22.06.2025, 10:59
Ва УСУ прадаўжаецца рэарганізацыя для павышэння эфектыўнасці.
Ва Узброеных сілах Украіны прадаўжаецца рэарганізацыя для павышэння эфектыўнасці. Гэта дазволіць стварыць больш дзеяздольных рэзерваў для правядзення контрнаступальных і наступальных дзеянняў.
Пра гэта паведамляе РБК-Украіна са спасылкай на галоўнага камандзіра УСУ Аляксандра Сырскага на сустрэчы з журналістамі.
«Мы летась пачалі рэарганізацыю Узброеных сілаў ва ўмовах вядзення баявых дзеянняў і прадугледзелі стварэнне вайсковых карпусоў. Галоўная мэта пераходу на новую арганізацыйную структуру – павысіць эфектыўнасць нашых дзеянняў і зменшыць нагрузку на органы ваеннага кіравання», – адзначыў глаўкам.
Як растлумачыў Сырскі, у рамках рэарганізацыі плануецца зменшыць колькасць аб'ектаў кіравання, якія непасрэдна падпарадкаваны канкрэтнаму органу (армейскаму корпусу). Пры гэтым узровень АСГВ застаецца, а ўзровень АТГ – паступова ліквідуецца.
Паводле ягоных словаў, першая чарга кіраванняў армейскіх карпусоў з падраздзяленнямі забеспячэння ўжо закончылі баявое зладжванне і прынялі свае палосы адказнасці і пэўныя камплекты войскаў. Далей – наступныя чэргі, і так усе карпусы зоймуць свае палосы.
Сырскі дадаў, што размова ідзе перш за ўсё пра больш эфектыўнае выкарыстанне ўсіх наяўных сілаў і сродкаў, аптымізацыю размеркавання артылерыі, а таксама павелічэнне колькасці падраздзяленняў беспілотных сістэмаў.
«Я спадзяюся, што такая рэарганізацыя дасць нам магчымасць, па-першае, зэканоміць асабісты склад, гэта значыць больш рацыянальна выкарыстоўваць нашых вайскоўцаў, якія непасрэдна выконваюць баявыя задачы. А таксама – стварыць больш дзеяздольных рэзерваў, каб мець магчымасць праводзіць актыўныя контрнаступальныя і наступальныя дзеянні», – заявіў галоўны камандзір УСУ.
Ён таксама адзначыў, што камандзіры карпусоў падабралі сваё кіраванне, ім дазволілі самастойна падбіраць намеснікаў. Гэта таксама прывяло да амаладжэння аператыўнага кіроўнага складу войска.
«Пераважная большасць камандзіраў карпусоў – гэта былыя камандзіры брыгадаў, якія вызначыліся на полі бою. Іх намеснікі, кіраўнікі штабоў – гэтак сама. Мы спадзяемся, што такая рэарганізацыя дасць новыя магчымасці ў плане эфектыўнасці выкарыстання часцей, ужывання баявога досведу, узмацнення кантролю за брыгадамі, змяншэння нашых стратаў і павелічэння аб'ёмаў знішчаных ворагаў», – дадаў Сырскі.