Чаму раптам такі закон?

• 22.06.2025, 19:24

«Хочаш жыць - май капусту», - так будуць працаваць беларускія рынкі.

Прынамсі, рынак, на якім прыватнікі ці буйныя гандляры рэалізуюць гародніну. На Нацыянальным прававым партале з'явіўся законапраект, які прапануе дапоўніць Кодэкс аб адміністрацыйных правапарушэннях новым артыкулам. І прысвечаны ён, ні многа ні мала, штрафам за адсутнасць агародніны ў міжсезонне, піша «Белорусы и рынок».

Калі коратка - будуць штрафаваць, калі ў краме няма морквы, буракоў або бульбы. Пратакольнай мовай гэта гучыць: «Не выкананая пастаўка прадукцыі са стабілізацыйных фондаў».

Па-простаму, калі прадукцыя не з'явілася на прылаўках, то:

фізічным асобам - ад 5 да 12 базавых адзінак (гэта 210-504 рублёў);

юрыдычным асобам - ад 20 да 200 базавых (840-8400 рублёў)

Гэта значыць, калі ўладальнік крамы не паспеў завезці капусту - плаці. Калі не па сезоне - таксама плаці. Гародніна, як высвятляецца, павінна быць незалежна ад лагістыкі, клімату і здаровага сэнсу.

Чаму раптам такі закон?

Галоўная мэта - каб прылаўкі не пуставалі, асабліва зімой, а дзяржава выглядала клапатлівай. На гэты раз яна заклапацілася чарговай зменай у заканадаўстве, у тым ліку і і КоАП Рэспублікі Беларусь, каб унесці новае пакаранне.

Як паведамляла прэс-служба, 11 чэрвеня Аляксандр Лукашэнка падпісаў указ №232 «Аб асаблівасцях пастаўкі садавінагароднінай прадукцыі для рэспубліканскіх дзяржаўных патрэб», закліканы забяспечыць стабільнасць на спажывецкім рынку і наяўнасць у гандлёвых аб'ектах садавінагароднінай прадукцыі, асабліва ў міжсезонны перыяд.

Дакумент закліканы стварыць стабільнасць на спажывецкім рынку і забяспечыць наяўнасць у гандлёвых аб'ектах садавінагароднінай прадукцыі, асабліва ў міжсезонны перыяд.

Цяпер вызначаны механізм выдачы гандлёвым сеткам крэдытаў на льготных умовах для ўнясення авансу за 30% плодаагародніннай прадукцыі, якая закладваецца паводле дзяржзаказу пад патрэбнасці сетак. Крэдыты рэтэйл зможа атрымаць у беларускіх рублях па стаўцы 3% гадавых.

Для пастаўшчыкоў уводзіцца абавязак забяспечваць раздробныя сеткі плодаагародніннай прадукцыяй. Са свайго боку, рэтэйл павінен гарантаваць яе наяўнасць у гандлёвых аб'ектах у міжсезонны перыяд.

Невыкананне гэтых абавязкаў будзе карацца прыцягненнем да адміністрацыйнай адказнасці. І вось калі нешта недзе знікла — то не «не ўраджай» і не «форс-мажор», а адміністрацыйнае правапарушэнне.