Украінская выведка мае довады падрыхтоўкі Расеяй ваенных аперацый у Еўропе

• 22.06.2025, 17:35

Зяленскі выступіў з заявай пасля сустрэчы з Буданавым.

Прэзідэнт Украіны Уладзімір Зяленскі ў нядзелю заявіў аб наяўнасці довадаў падрыхтоўкі Расеяй новых ваенных аперацый на тэрыторыі Еўропы.

Аб гэтым кіраўнік украінскай дзяржавы напісаў у Telegram.

Зяленскі выступіў з заявай пасля сустрэчы з кіраўніком ГУВ Кірылам Буданавым.

«Фіксуем далейшы інтэлектуальны рэгрэс расейскага кіраўніцтва і маем довады, што яны рыхтуюць новыя ваенныя аперацыі на тэрыторыі Еўропы», - напісаў прэзідэнт.

Ён адзначыў, што Украіна будзе інфармаваць партнёраў аб фактах, атрыманых украінскай выведкай.

«Рыхтуем супольныя пастановы на абарону разам, прынамсі, з Вялікай Брытаніяй і Еўразвязам», – паведаміў Зяленскі.