Кіраўнік МЗС Польшчы — Ціханоўскаму: Свабодны свет мае патрэбу ў табе, Сяргей!

• 22.06.2025, 22:14

Радослаў Сікорскі павіншаваў народнага блогера з вызваленнем.

Кіраўнік польскай дыпламатыі Радослаў Сікорскі выказаў рашучасць працягваць намаганні па вызваленні ўсіх палітзняволеных у Беларусі.

Ён апублікаваў запіс у сеціве, каментуючы вызваленне палітвязня і народнага блогера Сяргея Ціханоўскага

«Свабодны свет мае патрэбу ў табе, Сяргей! Мая шчырая радасць з табой, Святлана Ціханоўская, і ўсёй тваёй сям'ёй. Бачачы вас разам зноў, мы паказваем, чаму гады барацьбы за свабоду маюць значэнне», - напісаў Сікорскі на платформе X.


Ён запэўніў, што польскі ўрад «будзе працягваць дамагацца вызвалення астатніх, у тым ліку Анджэя Пачобута».

У суботу турмы рэжыму Лукашэнкі пакінулі 14 чалавек, сярод іх - трое палякаў.