У ЗША паказалі кадры вяртання стэлс-самалётаў B-2, якія скінулі бомбы на Іран

• 23.06.2025, 10:42

Місія доўжылася 36 гадзін.

Стратэгічнае камандаванне ЗША апублікавала кадры вяртання на базу ў Місуры бамбавікоў-невідзімак B-2, якія скінулі магутныя бомбы на іранскія ядзерныя аб'екты.

Напярэдадні B-2 узялі ўдзел у шырокамаштабнай аперацыі з выкарыстаннем манеўраў і прынад, мэтай якой было нанесці зруйнавальны ўдар па ядзернай праграме Ірана. Пасля 36-гадзіннай місіі яны вярнуліся на базу адзінага вайсковага падраздзялення ЗША, якое эксплуатуе бамбавікі B-2.

Агенцтва АР таксама зафатаграфавала вяртанне бамбавікоў. Першая група з чатырох стэлс-самалётаў зрабіла кола над базай, а затым з поўначы наблізілася да ўзлётна-пасадачнай паласы. Яшчэ адна група з трох самалётаў прыбыла праз 10 хвілін.