Дзве краіны гатовыя зрушыць пытанне адпраўкі кантынгенту ва Украіну з мёртвага пункта

• 23.06.2025, 11:57

Нягледзячы на маўчанне ЗША.

Нягледзячы на адсутнасць бачнай падтрымкі Злучанымі Штатамі ідэі адпраўкі замежнага міратворчага кантынгенту ва Украіну, у Еўропе ёсць краіны, гатовыя самастойна адправіць вайсковы кантынгент ва Украіну, піша са спасылкай на крыніцы аглядальнік аддзела міжнароднай палітыкі zn.ua Уладзімір Краўчанка.

Як адзначыў адзін з прадстаўнікоў украінскай улады, пэўныя партнёры хочуць працягваць рух у гэтым кірунку, але чакаюць хаця б маўклівай згоды прэзідэнта ЗША Дональда Трампа.

У сваю чаргу былы міністр замежных спраў Украіны Вадзім Прыстайка ў каментары зазначыў, што на ідэі адпраўкі не варта ставіць крыж, бо як мінімум у пытанні кантынгенту вельмі зацікаўленая Францыя.

Аб зацікаўленасці Парыжа сказаў і іншы суразмоўца журналістаў. Ён адзначыў, што на гэты момант Францыі не стае грошай для рэалізацыі гэтага плана, але аб гатоўнасці выдзеліць сродкі сігналізавалі ў Нямеччыне.

Аднак асноўным пытаннем застаецца фармат місіі, бо Украіне патрэбныя не сілы стрымлівання, а група войск, якая гатовая адбіць агрэсію разам з украінскімі падраздзяленнямі ў выпадку парушэння замірэння.

- Для гэтага неабходна, каб у свядомасці еўрапейцаў адбыўся пералом: дзеля ўласнай бяспекі яны павінны прыняць непапулярныя сярод еўрапейскіх абывацеляў пастановы. Інакш вайна можа прыйсці і на іх зямлю, - паказвае Краўчанка.