У Беларусі можа з'явіцца новы мабільны аператар

• 23.06.2025, 14:11

Што пра гэта вядома?

"Белтэлекам" плануе ў 2026 годзе выйсці на рынак мабільнай сувязі.

Пра гэта паведаміў кіраўнік арганізацыі Аляксей Івашкін, паведамляе БелТА.

Ужо "распрацавалі стратэгію і пачалі яе рэалізацыю".

Нагадаем, арганізацыя атрымала права аказваць паслугі сотавай сувязі ў 2022 годзе. Тады ж паведамлялася аб яе выхадзе на рынак паслуг сотавай рухомай электрасувязі. Тады планавалася, што структура будзе аказваць паслугі мабільнай сувязі чацвёртага пакалення па дамове з інфраструктурным аператарам сеткі LTE. Калі планы рэалізуюць, то дзяржкампанія складзе канкурэнцыю А1, МТС і life:).