У Курскай вобласці марадзёры забілі начальніка расейскай вайсковай паліцыі

• 23.06.2025, 14:15

Аляксей Жараў быў забіты падчас перастрэлкі.

Начальнік расейскай ваайсковай паліцыі Аляксей Жараў загінуў у Суджанскім раёне Курскай вобласці пры спробе затрымання марадзёраў. Пра гэта напісаў у сваім тэлеграм-канале часовы выканаўца абавязкаў губернатара рэгіёну Аляксандр Хінштэйн.

Са слоў Хінштэйна, падазраваныя ў забойстве Жарава былі затрыманыя.

Выданне "Сябар для сябра" са спасылкай на неафіцыйныя звесткі піша, што зламыснікі, папярэдне, адкрылі агонь па вайсковай паліцыі пад Суджой, а Жараў быў забіты падчас перастрэлкі.