Беларусу забаранілі на працягу 10 гадоў наведваць краіны Шэнгенскай зоны

• 23.06.2025, 14:26

Яго затрымалі на мяжы з Літвой.

39-гадовы грамадзянін Беларусі выдвараны з Польшчы з забаронай на працягу 10 гадоў наведваць дзяржавы Шэнгенскай зоны, прычына - садзейнічанне нелегальнай міграцыі.

Як паведамляе Памежная ахова Польшчы, беларус быў затрыманы на мяжы з Літвой за стырном аўтамабіля "БМВ" з польскімі рэгістрацыйнымі нумарамі.

Падчас праверкі было ўстаноўлена, што ён перавозіў трох іншаземцаў (двух егіпцян і алжырца), у пашпартах якіх адсутнічалі візы краін Шэнгенскай дамовы.

Адзначаецца, што мігранты перададзены літоўскаму боку. Беларуса ж выправілі з Польшчы з забаронай на працягу 10 гадоў наведваць дзяржавы Шэнгенскай зоны.