Катар закрыў паветраную прастору

• 23.06.2025, 19:39

Раней аналагічную пастанову акрамя Ірана і Ізраіля, якія працягваюць абменьвацца ўдарамі, прынялі Ірак і Іарданія.

Катар часова закрывае сваю паветраную прастору, каб гарантаваць бяспеку грамадзян, рэзідэнтаў і наведвальнікаў краіны. Адпаведная заява апублікаваная на старонцы катарскага МЗС у сацсетцы Х.

«У рамках абавязанняў Дзяржавы Катар у забеспячэнні бяспекі сваіх грамадзян, рэзідэнтаў і наведвальнікаў кампетэнтныя органы аб'яўляюць аб часовым прыпыненні руху ў паветранай прасторы краіны. Гэта частка комплексу захадаў засцярогі, прынятых у сувязі з развіццём падзей у рэгіёне», - гаворыцца ў паведамленні.

Пастанова была прынятая на фоне пагроз Ірана прыняць захады ў адказ супраць ЗША пасля ўдараў па яго ядравых аб'ектах. У МЗС Катара адзначылі, што ўлады пільна сочаць за сітуацыяй, ацэньваюць развіццё падзеяй сумесна з рэгіянальнымі і міжнароднымі партнёрамі.

На тэрыторыі Катара размешчана найбуйнейшая на Блізкім Усходзе амерыканская авіябаза Аль-Удэйд, на якой размешчаны аператыўны штаб Цэнтральнага камандавання Узброеных сіл ЗША (CENTCOM). 19 чэрвеня Reuters са спасылкай на крыніцы паведаміла, што ЗША вывелі частку самалётаў і караблёў са сваіх вайсковых баз на Блізкім Усходзе, якія могуць падпасці пад удары з боку Ірана ў выпадку эскалацыі канфлікту з Ізраілем. Адзін з суразмоўцаў агенцтва ўдакладніў, што вайсковыя самалёты, якія знаходзіліся на авіябазе Аль-Удэйд у неабароненых ангарах, былі перакінутыя ў іншыя месцы дыслакацыі.