Зяленскі: Расея можа атакаваць NATO найбліжэйшыя пяць гадоў

• 24.06.2025, 9:25

Прэзідэнт Украіны заклікаў Альянс паскорыць пераўзбраенне.

Прэзідэнт Украіны Уладзімір Зяленскі заявіў, што расейскі кіраўнік Уладзімір Пуцін можа атакаваць краіну-чальца NATO ўжо найбліжэйшыя пяць гадоў, каб выпрабаваць трываласць Альянсу.

«Мы думаем, што, пачынаючы з 2030 года, Пуцін можа мець значна болшыя магчымасці», - адзначыў Зяленскі ў інтэрв'ю Sky News.

Ён дадаў, што цяпер Украіна стрымлівае Расею, але наперадзе могуць быць новыя пагрозы:

«Сёння яго стрымлівае Украіна, у яго няма часу на муштру войска».

Калі журналіст Марк Осцін спытаў, ці магчымая атака Расеі цягам некалькіх месяцаў, Зяленскі адказаў: «Я не веру, што Пуцін гатовы».

Таксама Зяленскі жорстка пракаментаваў абаронныя планы NATO, згодна з якімі выдаткі павінны вырасці да 5% ВУП да 2035 года. Ён назваў гэтыя планы вельмі павольнымі.

Прэзідэнт Украіны заклікаў Захад не марудзіць, падкрэсліваючы, што Расея ўжо плануе новыя вайсковыя кампаніі:

«У кожным выпадку, Пуціну патрэбная паўза, яму патрэбная скасаванне санкцый, яму патрэбнае навучанае войска. І 10 гадоў - гэта вельмі доўгі тэрмін. Да таго часу ў яго будзе гатовае новае войска».