Ракета УС РФ ударыла каля цягніка «Адэса-Запарожжа»

• 24.06.2025, 12:44

Шмат параненых.

Расейская балістычная ракета трапіла побач з цягніком, які накіроўваўся ў Адэсу. Унутры цягніка былі пасажыры, многія атрымалі раненні, піша «Фокус».

Відэа прылёту ракеты апублікавалі мясцовыя Telegram-каналы.

На кадрах відаць, як пасажырка цягніка спачатку ўсміхаецца, але потым раздаецца выбух. Відаць, што жанчына атрымала раненні.

Мясцовыя паблікі пішуць пра раненне маці з дзіцем праз ракетны ўдар.

Дзяржкампанія «Укрзалізниця» пазней удакладніла, што ў выніку ўдару быў пашкоджаны цягнік №52 «Адэса — Запарожжа». На месца аператыўна прыбылі ратавальнікі і брыгады хуткай дапамогі.