Беларус у расейскім аэрапорце напаў на дзіця

• 24.06.2025, 12:51

Двухгадовы малы ў коме.

У расейскім аэрапорце Шарамеццева 31-гадовы мужчына раптам накінуўся на 2-гадовае дзіця.

Нападніка ўдалося затрымаць, паведаміла афіцыйная прадстаўніца МУС Расеі Ірына Воўк у сваім Telegram-канале.

Зламысніка адправілі на медагляд.

Як перадае Telegram-канал Mash, нападнікам быў беларус на імя Уладзімір, які прыляцеў увечары панядзелка з Кіпра. У чаканні багажу ля стужкі выдачы ён учыніў жорсткі ўчынак.

Ні села, ні пала мужчына падышоў да дзіцяці, якое стаяла недалёка, схапіў яго і з сілай кінуў на падлогу. Малы моцна стукнуўся галавой. Ён страціў прытомнасць на месцы.

У дзіцяці дыягнаставалі закрытую чэрапна-мазгавую траўму і ўдар галаўнога мозгу.