«Тата, я табе пачытаю»

• 24.06.2025, 14:34

Сяргей Ціханоўскі падзяліўся кранальнай гісторыяй пра дачку.

Народны блогер Сяргей Ціханоўскі падзяліўся з «Зеркалом» кранальнай гісторыяй пра тое, як упершыню пасля вызвалення яму ўдалося паспаць цэлую ноч. Са слоў былога палітвязня, у развязанні сур'ёзнай праблемы са сном яму дапамагла дачка Агнія.

- Першую ноч паспаў выдатна - дзевяць гадзін. Учора дачка даведалася, што я папярэднія ночы не спаў — адну наогул, а другую толькі гадзінку. Яна сказала: «Тата, я табе ўвечары пачытаю кніжкі, і ты заснеш са мной побач». Яна мне пачытала кніжку, абняла, і я заснуў. Расплюшчваю вочы - прайшло дзевяць гадзін», - расказаў блогер.