«Мы будуем мост паміж Украінай і NATO»

• 24.06.2025, 15:01

Генеральны сакратар NATO анансаваў развіццё "шляху Украіны да сяброўства" ў пастанове саміту альянсу

Пастанова, якую прымуць лідары дзяржаў-чальцоў NATO на саміце ў Гаазе, будзе наступным крокам у развіцці «моста» паміж Украінай і Альянсам.

Пра гэта заявіў генеральны сакратар NATO Марк Рутэ ў Гаазе, у пачатку сустрэчы з прэзідэнтам Украіны, паведамляе «Еўрапейская праўда».

Рутэ падкрэсліў, што супольнікі дагэтуль разглядаюць за дзейныя папярэднія праўкраінскія пастановы Альянсу, уключаючы пастанову Вашынгтонскага саміту, і гэта будзе ўскосна пацверджана выніковым дакументам Гаажскага саміту.

- Ва Украіне будзе важная згадка, якая напраўду пабудаваная на аснове пастановы леташняга Вашынгтонскага саміту, якая пацвердзіла незваротны шлях Украіны ў NATO, – заявіў ён.

Марк Рутэ не ўдакладніў, што менавіта ён уважае за такое ўскоснае пацвярджэнне, аднак вядома, што ў дэкларацыі саміту чакаецца тэзіс аб фінансаванні абароны Украіны за кошт абаронных выдаткаў дзяржаў-чальцоў альянсу.

- Мы будуем мост [паміж Украінай і NATO], як і казала Вашынгтонская пастанова, – дадаў ён.