У Іране пачалі апраўдвацца за парушэнне замірэння

• 24.06.2025, 15:25

Нібыта ракеты былі запушчаныя «за некалькі хвілін» да ўступлення ў дзеянне замірэння.

Корпус вартавых ісламскай рэвалюцыі (КВІР) Ірана заявіў, што запусціў ракеты па Ізраілю «за некалькі хвілін» да ўступлення ў сілу рэжыму спынення агню, паведамляе Sky News.

Як адзначылі ў КВІР, апошняя хваля нападаў была запушчаная нібыта за некалькі хвілін да пачатку дзеяння замірэння.

У заяве, апублікаванай напаўафіцыйным інфармацыйным агенцтвам Tasnim, КВІР дадае, што агулам супраць «ваенных цэнтраў» Ізраіля раніцай было запушчана 14 ракет.