Бліскучая аперацыя: УСУ разнеслі грузавы цягнік акупантаў каля Такмака

• 25.06.2025, 20:26

Нанесены скрышальны ўдар па варожай лагістыцы.

На акупаванай тэрыторыі Запарожскай вобласці каля горада Такмака Сілы абароны Украіны атакавалі грузавы цягнік расейцаў.

Ён перавозіў паліва і кантэйнеры. Пра гэта паведаміў кіраўнік грамадскай арганізацыі «Цэнтр вывучэння акупацыі» Пётр Андрушчанка.

«Цяпер пачынаецца «боўлінг» - хто больш выб'е вагонаў. Грузавы цягнік 40+ вагонаў. Тут усё, і цыстэрны, і кантэйнеры мяркуючы з усяго. Сёння будзе шмат добрых фота і відэа, але пазней», - напісаў ён.

Пётр Андрушчанка адзначыў, што атака адбылася аб 11:15 раніцы, і Сілы абароны супольнай аперацыяй з першага ўдару спынілі цягнік, разрэзаўшы яго напалову. Па варожым цягніку адпрацавалі Сілы абароны Поўдня, дарэчы, гэта быў поўны ўдар па варожай лагістыцы.

«Бліскучая аперацыя. P.S. пруфы ёсць. Месца на мапе максімальна дакладнае. Але пакуль пытанне бяспекі - пачакайце. Усё будзе. Вам сапраўды спадабаецца. Паверце. Таму што гэта проста экстаз», - рэзюмаваў Пётр Андрушчанка.