Беларускае сухое малако патрапіла на прадуктовыя карткі на Кубе

• 25.06.2025, 14:36

Пра гэта Лукашэнку расказаў кубінскі прэзідэнт.

Прэзідэнт Кубы Мігель Дыяс-Канэль Бярмудэс падчас сустрэчы з Лукашэнкам паведаміў, што сухое малако, якое пастаўляецца з Беларусі, на Кубе размяркоўваецца паводле картачнай сістэмы. Ён зазначыў, што гандаль паміж дзвюма краінамі ажыццяўляецца ў асноўным у рамках пагаднення аб сустрэчных пастаўках.

Згодна з гэтым пагадненнем, Беларусь экспартуе на Кубу сельскагаспадарчую тэхніку і іншыя тавары, а ў адказ атрымлівае фармацэўтычную прадукцыю.