Сасновіч пазмагаецца за выхад у аснову «Уімблдона» з крыўдзіцелькай іншай беларускі

• 25.06.2025, 21:03

Беларуская тэнісістка паспяхова пераадолела два стартавыя раўнды кваліфікацыі.

Аляксандра Сасновіч паспяхова пераадолела два стартавыя раўнды кваліфікацыі Уімблдонскага турніру і цяпер за крок ад выхаду ў асноўную сетку.

На другім этапе трэцяя ракетка краіны ўпэўнена падолела расейку Аксану Селехмецьеву – 6:2, 6:3.

Раней беларуская каманда панесла страты: на першым коле кваліфікацыі турнір пакінула Крысціна Дзмітрук, а ў другім выбыла Ірына Шымановіч. Апошняя саступіла латвійцы Дар'і Семяністай – 4:6, 2:6. Беларуска не здолела аднавіцца пасля знясільнага папярэдняга паядынку і не справілася з больш рэйтынгавай спаборніцай.

Цікава, што менавіта Семяністая можа выбіць з дужання Сасновіч. У выпадку перамогі ў наступным матчы латвійка стане перашкодай на шляху ў аснову яшчэ адной прадстаўніцы Беларусі.

Прызавы фонд Уімблдона сёлета складае больш за $72 млн. У асноўнай сетцы турніру ўжо заяўленыя Арына Сабаленка і Вікторыя Азаранка.