У Вільні адбудзецца беларускае святкаванне Купалля

• 25.06.2025, 21:26

Мерапрыемства пройдзе на беразе Віліі.

Сёлета віленскі Беларускі клуб «Сябрына» чарговы раз адзначае Купалле на беразе Віліі і запрашае ўсіх ахвотных далучыцца да святкавання.

Традыцыя святкавання беларусамі Вільні Купальскага свята на беразе Віліі, якая цячэ праз горад, была заснаваная яшчэ ў 1911 годзе і адноўленая «Сябрынай» у 2013-м.

Сёлета гасцей святкавання чакаюць:

выступы гуртоў і калектываў «Беларускі Цуд», «Ойра»;

пляценне вянкоў;

пошукі папараць-кветкі;

беларускія народныя танцы;

купальскі крупнік;

распальванне вогнішча старадаўнім спосабам.

Святкаванне адбудзецца 28 чэрвеня, пачатак – а 17-й. Удзел бясплатны. Месца – за другім пляжам у Валакупяй (Valakampiai).

Рэкамендуецца сачыць за надвор'ем у дзень свята, а таксама захапіць з сабой коўдру і стравы для пікніку.