BE RU EN

Беларуса, які напаў на дзіця ў аэрапорце Шарамецева, арыштавалі

  • 26.06.2025, 17:49

Ён знаходзіцца на ўліку ў псіхіятра з дыягназам шызафрэнія.

Хімкінскі суд Падмаскоўя (Расея) заключыў пад варту беларуса, які схапіў і кінуў дзіця на падлогу ў маскоўскім аэрапорце Шарамецева, перадае ТАСС.

Абвінавачанага 26 чэрвеня даставілі ў суд ў абранні меры стрымання. Суд задаволіў хадайніцтва абвінавачання і адправіў яго пад арышт. У СІЗА мужчына прабудзе да 25 жніўня.

Са слоў абвінавачанага, ён знаходзіцца на ўліку ў псіхіятра з дыягназам шызафрэнія, судзімасці не мае, піша ТАСС. Ён жанаты, у яго ёсць дзве дачкі 2 і 13 гадоў. У яго ёсць рэгістрацыя ў Расеі на тэрыторыі Хімак. Мае сярэднюю адукацыю, працуе мантажнікам кабельных сетак.

Апошнія навіны