Ад адпрацоўкі зараз можна збегчы ў войска

• 27.06.2025, 16:20

Службу будуць залічваць у тэрмін адпрацоўкі паводле размеркавання.

У Міністэрстве працы паведамілі, што тэрміновая служба, служба паводле кантракта, у рэзерве, а таксама альтэрнатыўная служба зараз будуць лічыцца часткай абавязковай адпрацоўкі пасля заканчэння каледжа ці ўніверсітэта.

Паводле закону, выпускнікі зараз павінны адпрацаваць: 2 гады пасля ўніверсітэта, 5 гадоў — калі вучыліся паводле мэтавага накіравання, 2 гады — пасля сярэдняй спецыяльнай установы і 1 год — пасля прафесійна-тэхнічнай.

Служба ў войску доўжыцца ад 1 да 1,5 гадоў, паводле кантракта - ад 2 гадоў, альтэрнатыўная служба - ад 2 да 3 гадоў.