УСУ знішчылі на фронце ўнікальную зброю КНДР

• 27.06.2025, 19:01

Момант ліквідацыі паказалі на відэа.

Вайскоўцы ўкраінскага батальёна «Рэйд» знішчылі рэдкую паўночнакарэйскую РСЗА на Навапаўлаўскім кірунку, паведамілі Сілы беспілотных сістэмаў Украіны.

– На Навапаўлаўскім кірунку аператары 413-га батальёна «Рэйд» Сілаў беспілотных сістэмаў выявілі і знішчылі рэактыўную сістэму залпавага агню М1991 вытворчасці КНДР, – падпісанае відэа.

Вядома, што пілот трапіў ударным дронам у адзін са снарадаў на пакеце накіравальных. Боепрыпас спрацаваў і прашыў кабіну экіпажу, а далей здэтанаваў увесь боекамплект.

М1991 – гэта паўночнакарэйскі аналаг савецкай 220 мм РСЗА «Ураган», але з павялічаным калібрам – 240 мм – і далёкасцю паразы да 60 км. Упершыню наяўнасць гэтых сістэмаў на ўзбраенні ворага была пацверджаная на відэа ў красавіку 2025 года.