Эксперты выбралі найлепшы бюджэтны смартфон 2025 года

• 27.06.2025, 20:07

Гэта не Samsung ці Xioami.

За апошнія пару гадоў сярэднебюджэтныя смартфоны дасягнулі такога ўзроўню, што сталі не толькі жыццяздольнай альтэрнатывай флагманам, але і часта аптымальнай.

Адзін з такіх – Nothing Phone 3a Pro. Пры кошце 450 даляраў вы не знойдзеце больш збалансаванага тэлефона, чым гэты, гаворыцца ў нататцы ZDNET.

Чым жа вылучаецца гэтая прылада? Па-першае, дызайнам. Прашыўка атрымала празрыстую заднюю панэль з убудаванай сістэмай Glyph Interface з 3 LED-палоскамі, якія міргаюць, паказваючы на ўваходныя апавяшчэнні, паведамленні і таймеры.

Акрамя таго, цешыць абалонка Nothing. Тут выкарыстоўваецца матрычны шрыфт, які дае ўражанне, быццам трымаеш у руках не новы тэлефон, а стары гаджэт з 90-х. Камусьці гэтая ідэя здасца спрэчнай, але многія напэўна ацэняць мінімалізм Nothing OS.

З працэсарам Snapdragon 7s Gen 3 у пары з 12 ГБайт аператыўнай памяці смартфон спраўляецца з большасцю задачаў, уключаючы хуткую пракрутку сацсетак і гульні. Акумулятар ёмістасцю 5000 мач – адзін з самых жывучых тэлефонаў у сваім сегменце, піша аўтар. А 50-ватная зарадка папоўніць 100% за 50 хвілінаў.

Яшчэ адзін моцны бок Nothing Phone 3a Pro – ягоныя камеры. Апроч 32-Мп «франталкі» усталяванае трыа модуляў на 50+50+8 мегапікселяў з оптастабам у галоўнага датчыка і трохаптычным зумам у тэлевіка.

Кошт базавай версіі Nothing Phone 3a Pro на 12 256 ГБ складае 459 даляраў. За гэтыя грошы пакупнікі атрымліваюць «сярэднячок» з выдатнай камерай, добрай прадукцыйнасцю, надзейнай батарэяй і ўнікальным дызайнам.

Цяпер ні Samsung, ні Google, ні іншы Android-брэнд не прапануе нешта з падобнымі характарыстыкамі і за тыя грошы, мяркуюць у ZDNET.