УСУ ліквідавалі «зорку» расейскіх серыялаў «Вуліцы разбітых ліхтароў» і «Забойная сіла»

• 29.06.2025, 10:27

Акупант з пазыўным «Артыст» ваяваў у Курскай вобласці.

Актор з расейскіх серыялаў «Вуліцы разбітых ліхтароў» і «Забойная сіла» Вадзім Алфёраў загінуў на захопніцкай вайне супраць Украіны.

Ліквідацыю акупанта пацвердзілі РБК у асяроддзі актора.

«Учора было 40 дзён з дня пахавання», - удакладніў суразмоўца.

Раней аб гібелі актора паведаміў партал «Кіна-Тэатр.Ру».

Паводле звестак партала, паведамленне аб згубе Алфёрава без вестак у канцы лістапада ў Суджанскім раёне Курскай вобласці было перададзена вайсковым камісарыятам 23 снежня. Цела актора было апазнанае 7 траўня.

Як паведамляе «Кино-Театр.Ру», Алфёраў у кастрычніку 2024 года падпісаў кантракт і далучыўся да мотастралковага палку, накіраванага для выканання «баявых задач» у Курскай вобласці. У воінскім падраздзяленні ў яго быў пазыўны «Артыст».

Алфёрава пахавалі на Паўднёвых могілках Санкт-Пецярбурга.

Актор здымаўся ў серыялах «Першы аддзел», «Таямніцы следства», «Вуліцы разбітых ліхтароў», «Забойная сіла», «Марскія д'яблы», а таксама працаваў у Санкт-Пецярбуржскім дзяржаўным дзіцячым драматычным тэатры «На Няве».