Названыя 100 лепшыя фільмы XXI стагоддзя

• 29.06.2025, 21:01

Якая стужка ўзначаліла рэйтынг?

Амерыканская газета The New York Times апублікавала маштабны рэйтынг «100 лепшых фільмаў XXI стагоддзя», складзены на аснове апытання больш за 500 вядомых прадстаўнікоў кінаіндустрыі - рэжысёраў, актораў і сцэнарыстаў, сярод якіх Джуліяна Мур, Пэдра Альмодовара, Сафія Копала і Гільерма дэль Тора

На першым месцы паўднёвакарэйскі фільм «Паразіты» (2019) рэжысёра Пон Чжун Хо. Кіназнаўцы ацанілі рэжысуру за ўмелае злучэнне жанраў - ад чорнай камедыі да сацыяльнага трылера - і падкрэслілі, што карціна служыць «бязлітаснай алегорыяй няроўнасці і класавага канфлікту». Нагадаем, амерыканская кінаакадэмія аддала гэтай стужцы чатыры «Оскары».

Другі радок рэйтынгу заняў культавы трылер «Малхоланд Драйв» (2001) Дэвіда Лінча,у якім незвычайнае спалучэнне напружанага трылера і псіхалагічнай драмы.

Тройку лідараў замыкае «Нафта» (2007) Пола Томаса Андэрсана: драма пра станаўленне нафтавага магната з Дэніэлам Дэй-Льюісам у галоўнай ролі.

Як выглядае першая дзясятка:

«Паразіты»

«Малхоланд Драйв»

«Нафта»

«Любоўны настрой»

«Месячнае святло»

«Старым тут не месца»

«Вечнае ззянне чыстага розуму»

«Прэч»

«Панесеныя прывідамі»

«Сацыяльная сетка»

Раней амерыканскае выданне Collider прадставіла рэйтынг найлепшых кінатрылогій усіх часоў. У першую тройку ўвайшлі «Уладар пярсцёнкаў», «Зорныя войны» і «Хросны бацька».