Бранск чацвёрты дзень запар атакуюць дроны

• 29.06.2025, 17:39

Праз працу расейскай СПА пашкоджаныя шматпавярхоўкі.

Бранск ужо чацвёрты дзень запар падвяргаецца атакам дронаў. Варожая СПА, якая спрабуе збіць беспілотнікі, ужо пашкодзіла некалькі жылых шматпавярховікаў.

Пра гэта паведамляе РБК-Украіна са спасылкай на крыніцы.

Паводле звестак крыніц, сёння, 29 чэрвеня, жыхары Бранска прачнуліся праз магутныя выбухі. Над горадам працавала СПА, якая спрабавала збіць беспілотнікі.

Як паведамілі крыніцы РБК-Украіна ў спецслужбах, праз працу расейскай СПА пашкоджаныя шматпавярховікі.

Паведамляецца, што мясцовыя ўлады афіцыйна прызналі атаку беспілотнікаў на горад і выбухі ў выніку працы СПА. Губернатар Аляксандр Багамаз у сваім паведамленні сцвярджае, што ўсе беспілотнікі былі "паспяхова збітыя".