У аэрапорце Вільні пабудуюць новы тэрмінал

• 29.06.2025, 19:01

Як ён будзе выглядаць?

У Віленскім аэрапорце з'явіцца новы тэрмінал прыбыцця: найлепшыя архітэктурныя ідэі выбралі на міжнародным конкурсе.

Пераможцам стала вядомае брытанскае архітэктурнае бюро Zaha Hadid Architects, чые праекты прызнаны ва ўсім свеце. Студыя вядомая смелымі формамі, футурыстычным дызайнам і збудаваннямі, якія становяцца архітэктурнымі сімваламі гарадоў. Сярод іх - Цэнтр Гейдара Аліева ў Баку, оперны тэатр у Гуанчжоу і Алімпійскі цэнтр водных відаў спорту ў Лондане.

У конкурсе ўдзельнічалі 11 праектаў ад літоўскіх і міжнародных архітэктурных каманд. У фінал выйшлі пяць найлепшых.

Новы тэрмінал плануецца пабудаваць да канца 2028 года, а падрадчыка для будаўніцтва абяруць у 2027-м.

Чакаецца, што новы будынак аб'яднае ўсе тэрміналы аэрапорта ў адзіны комплекс. Тэрмінал спраектаваны з улікам зручнасці для пасажыраў і патрабаванняў экалагічнай устойлівасці.