У Беларусі знайшлі рыбныя кансервы з нечаканай «начынкай»
- 3.06.2025, 10:28
Санітарна-эпідэміялагічная служба апублікавала шакавальныя звесткі.
Санітарна-эпідэміялагічная служба Міністэрства аховы здароўя апублікавала шакавальныя звесткі.
У папулярных кансервах печані траскі выявілі мёртвыя лічынкі паразітаў.
Гаворка ідзе аб рыбнай прадукцыі вытворчасці «Ajtel Iceland ehf» (Ісландыя) і ТАА «Ветразь» (Расея).
Адзначаецца, што лічынкі не небяспечныя, але паказваюць на наяўнасць парушэнняў пры вырабе кансерваў.
З 2 чэрвеня 2025 года ўведзеная часовая забарона на ўвоз і продаж гэтай прадукцыі.
Вытворцы павінны ліквідаваць парушэнні і даказаць бяспеку тавару.