«Столькі з ім успамінаў»

• 3.06.2025, 11:23

Беларусы ў маленькім паселішчы развіталіся з унікальным цягніком.

Жыхары паселішча Градзянка ў Магілёўскай вобласці з сумам праводзілі ў апошні рэйс грузапасажырскі цягнік, які рухаўся па маршруце Градзянка—Асіповічы. Цягнік «легендарнага» маршруту спыніў сваё існаванне 27 траўня. На памяць мясцовыя жыхары знялі на відэа яго «развітальны гудок», піша «Тэлеграф».

На апублікаваных кадрах відаць, як цеплавоз з адным пасажырскім вагонам павольна праходзіць міма чыгуначнага пераезду.

Гэты кароткі цягнік для многіх жыхароў невялікага населенага пункта, відавочна, быў не проста транспартам, а часткай мясцовай гісторыі і паўсядзённым жыцці.Маршрут адрозніваўся тым, што пасажырскі вагон часта ішоў побач з таварнымі хоперамі або паліўнымі цыстэрнамі — гэта быў адзіны такі цягнік у Беларусі.

У БЧ скасаванне цягніка тлумачылі «вельмі нізкім узроўнем пасажыраплыні» і наяўнасцю аўтобуснага злучэння.

Відэа выклікала водгук у карыстальнікаў TikTok. Многія каментатары выказалі шкадаванне з нагоды закрыцця маршруту. «Вельмі шкада, было зручна», - напісаў адзін з іх.

«Столькі з ім успамінаў», - паўтарае іншы.

«Была легенда — і яе не стала», - так лаканічна апісаў свае пачуцці яшчэ адзін карыстальнік.

У каментарах таксама разгарнулася невялікая дыскусія аб прычынах закрыцця. Хтосьці выказаў здагадку, што «шлях стары». Але для грузавых цягнікоў на гэтай галінцы нічога не змянілася.

Былі і надзеі на лепшае: «пусцяць новы, сучасны». Але тут жа знайшліся і скептыкі: «Не пусцяць»

Адзін з каментатараў падзяліўся інфармацыяй, што «чыгунка станцыю разбірае», аднак іншы карыстальнік гэта зняпраўдзіў: «Ніхто яе не разбірае».