Дроны нанеслі ўдар каля Крымскага мосту

• 3.06.2025, 12:12

Абломкі ўпалі на дарогу.

Расейскае войска заявіла аб збіцці невядомага дрона над Крымскім мостам раніцай аўторка, 3 чэрвеня.

Пра гэта паведамляе Telegram-канал Mash.

Як піша Mash, дрон нібыта быў збіты а 6 раніцы паводле мясцовага часу.

«Па рэактыўным дроне адпрацавала СПА. У гэты момант па мосце яшчэ ехалі аўтамабілі з боку Тамані, абломкі ўпалі проста на дарогу», - сказана ў паведамленні.

Расейцы заяўляюць, што падчас працы СПА ніхто не пацярпеў. Аднак маніторынгавыя каналы паведамляюць, што пасля збіцця дрона рух па мосце быў перацяты амаль на тры гадзіны.