Пяскоў адрэагаваў на выбухі ў РФ пасля спецаперацыі СБУ

• 3.06.2025, 15:05

Пуцін атрымліваў інфармацыю анлайн.

Спікер расейскага дыктатара Дзмітрый Пяскоў пракаментаваў серыю выбухаў у расейскіх рэгіёнах, якія адбыліся пасля маштабнай спецаперацыі СБУ «Павуцінне», накіраванай на знішчэнне вайсковай авіяцыі РФ.

Пра гэта паведамляе Цензор.НЕТ са спасылкай на тэлеграм-канал ТАСС.

Пяскоў заявіў, што Уладзімір Пуцін быў праінфармаваны аб інцыдэнтах у рэжыме рэальнага часу.

«Прэзідэнт атрымліваў інфармацыю ў рэжыме анлайн. Гэта першае. Вы ведаеце, што ідзе следства, якое распачаў Следчы камітэт РФ. І быў таксама адпаведны зварот Міністэрства абароны. Я прапаную дачакацца вынікаў следства і арыентавацца на змест заявы Міністэрства абароны», - сказаў спікер Крамля.

Напярэдадні стала вядома аб серыі выбухаў на тэрыторыі РФ, звязаных з аперацыяй СБУ, у выніку якой былі пашкоджаныя ключавыя вайсковыя аб'екты, прынамсі, на авіябазах.