Кварацхелія ўвайшоў у тройку самых дарагіх футбалістаў чэмпіянату Францыі

• 3.06.2025, 18:59

Трансферны кошт грузінскага форварда ПСЖ цяпер ацэньваецца на €90 млн.

Партал Transfermarkt абнавіў рынкавы кошт футбалістаў у чэмпіянаце Францыі паводле выніку сезона.

Топ-10 займаюць футбалісты «Пары Сен-Жэрмен», якія сталі пераможцамі Лігі чэмпіёнаў, падолеўшы ў фінале «Інтэр» (5:0).

Першыя тры месцы з коштам на €90 млн займаюць грузін Хвіча Кварацхелія (дадаў €10 млн), а таксама французы Усман Дэмбеле (плюс €15 млн) і 20-гадовы Дэзірэ Дуэ (плюс €30 млн), які быў прызнаны найлепшым гульцом фіналу Лігі чэмпіёнаў.