Сабаленка атрымала 50-ю перамогу ў статусе першай ракеткі свету

• 30.06.2025, 18:02

Беларуска выйшла ў другі раўнд Уімблдонскага турніру.

Трохразовая чэмпіёнка турніраў «Вялікага шалома» беларуская тэнісістка Арына Сабаленка атрымала 50-ю перамогу ў ролі першай ракеткі свету.

Юбілейная перамога здарылася на старце Уімблдона-2025. Сабаленка падолела канадку Карсан Брэнсцін (194-ы нумар рэйтынгу) з лікам 6:1, 7:5.

Сабаленка стала толькі дзявятай з гульцоў WTA, каму ўдалося перасячы мяжу 50 перамог, будучы першай ракеткай свету. Раней гэтага дабіваліся:

Марціна Хінгіс (Швэйцарыя);

Серэна Уільямс (ЗША);

Ліндсэй Дэвенпорт (ЗША);

Жусцін Энэн (Бельгія);

Караліна Вазняцкі (Данія);

Вікторыя Азаранка (Беларусь);

Эшлі Барці (Аўстралія);

Іга Cвёнтак (Польшча).