Грузавік з літарай Z патрапіў у ДТЗ у Маскоўскай вобласці

• 30.06.2025, 20:57

Загінулі два чалавекі.

«КАМАЗ» трапіў у смяротнае ДТЗ у Маскоўскай вобласці на трэцім кіламетры дарогі М-3 «Україна», паведамілі РБК у Галоўнай управе МУС вобласці.

Кіроўца, кіруючы легкавым аўтамабілем Volkswagen, пры выездзе з дарогі сутыкнуўся з грузавым аўтамабілем «КАМАЗ». У выніку ДТЗ загінулі два чалавекі – кіроўца і пасажыр легкавой машыны.

На запісе з месца аварыі на дзвярах грузавіка відаць тактычны знак расейскіх акупантаў – упісаная ў ромб літара Z.