Вецер валіў дрэвы і зрываў дахі ў Гомельскай вобласці

• 4.06.2025, 9:28

У МНС расказалі пра наступствы стыхіі.

Моцны вецер, які шалеў на Гомельшчыне 3 чэрвеня, паваліў 142 дрэвы, паведамілі ў МНС.

На раніцу 4 чэрвеня, паводле аператыўных звестак ратавальнікаў, праз залеву і вецер з парывамі 15-20 метраў за секунду зафіксавана 134 падзенні дрэў у Гомелі, шэсць у Рэчыцкім раёне і па адным у Ельскім і Лельчыцкім раёнах. Дрэвамі пашкоджаныя шэсць аўтамабіляў у абласным цэнтры.

Акрамя таго, пацярпелі дахі дзесяці будынкаў: двух будынкаў у Лельчыцкім раёне і па чатыры ў абласным цэнтры і Рэчыцкім раёне. Пацярпелых няма.

"Работнікі МНС дзесяць разоў прыцягваліся на прыборку і распілоўку паваленых дрэў. У населеных пунктах вобласці фіксаваліся кароткатэрміновыя адключэнні электраэнэргіі", - паведамілі ратавальнікі.

Нагадаем, напярэдадні на Гомель абрынуўся моцны лівень з градам.