Экс-кіраўнік Кыргызстана атрымаў 11,5 года пазбаўлення волі

• 4.06.2025, 10:30

Атамбаева абвінавацілі ў незаконным узбагачэнні.

Першамайскі раённы суд у Бішкеку завочна прысудзіў былога прэзідэнта Кыргызстана Алмазбека Атамбаева да 11,5 года пазбаўлення волі паводле трох крымінальных справах, аб'яднаных у адну вытворчасць. Пра гэта паведаміла ў аўторак, 3 чэрвеня, агенцтва «АКІргеѕѕ».

Паводле версіі следства, экс-кіраўнік дзяржавы вінаваты ў незаконным прысваенні зямельных надзелаў у вёсцы Кой-Таш у Аламудунскім раёне Чуйскай вобласці Кыргызстана, у незаконным узбагачэнні і ва ўдзеле ў беспарадках 7-8 жніўня 2019 года.

Суд таксама пастанавіў, што ў дачыненні да Атамбаева павінны дзейнічаць канфіскацыя маёмасці і пазбаўленне дзяржаўных узнагарод. Яму прадпісваецца выплаціць буйны грашовы штраф.

Адвакат Атамбаева - Сяргей Слесараў - у сваю чаргу выказаў здагадку, што суддзя не меў права аб'ядноўваць вытворчасці, перадаў партал «24.kg».

Паволе справы таксама асуджаны былы кіраўнік апарата прэзідэнта Фарыд Ніязаў, ён прысуджаны да 7 гадоў і 8 месяцаў пазбаўлення волі.

Алмазмек Атамбаеў узначальваў Кыргызстан з 2011 да 2017 года. Ён быў пазбаўлены прэзідэнцкай недатыкальнасці ў чэрвені 2019 года, яму былі выстаўленыя абвінавачванні ў карупцыі.

Пазней, 7 жніўня 2019 года, праваахоўныя органы двойчы спрабавалі ўзяць штурмам рэзідэнцыю Атамбаева ў сяле Кой-Таш. На наступны дзень сутыкненні працягнуліся, але падчас спецаперацыі з удзелам блізу 3 000 супрацоўнікаў міліцыі Атамбаеў здаўся. Падчас беспарадкаў пацярпелі 225 чалавек, загінуў адзін са спецназаўцаў.