Беларус «атакаваў» сілавікоў сігнальным конусам

• 4.06.2025, 11:18

Супрацоўнікі МУС заявілі пра «актыўны супраціў».

Крымінальную справу за «пагрозу гвалту ў дачыненні да супрацоўнікаў органаў унутраных спраў» распачалі ў дачыненні да 52-гадовага жыхара Полацка, паведамілі ў МУС.

Паводле версіі ведамства, аператыўнікі спрабавалі затрымаць п'янага мужчыну «за адміністрацыйнае правапарушэнне». Той «актыўна супраціўляўся», «хапаўся за форменнае абмундзіраванне, спрабаваў нанесці ўдары і кінуў у іх бок сігнальны конус». Гэтыя дзеянні зафіксаваныя на відэа, апублікаваным сілавікамі.

Следчымі ў дачыненні да жыхара Полацка распачатая крымінальная справа за пагрозу гвалту ў дачыненні да супрацоўнікаў міліцыі. Яму пагражае да сямі гадоў пазбаўлення волі.