Зорку НБА высяляюць з дому

• 4.06.2025, 15:55

У былога мужа Хлоі Кардаш'ян велічэзныя пазыкі.

Былога чэмпіёна НБА і экс-гульца «Лос-Анджэлес Лейкерс» Ламара Адама выселілі з арандаванага жылля ў Лос-Анджэлесе.

Паводле інфармацыі New York Post, прычынай стала завінавачасць у арэнднай плаце, якая складала $45 тыс.на месяц.

Пасля заканчэння прафесійнай кар'еры Адам неаднаразова сутыкаўся з праблемамі, звязанымі з залежнасцямі, і ў адным з выпадкаў нават перажыў клінічную смерць з-за перадазіроўкі забароненымі рэчывамі.

У НБА Адам выступаў за «Лос-Анджэлес Лейкерс», «Кліперс», «Маямі Хіт» і «Далас Мэвэрыкс». У 2011 годзе ён быў прызнаны найлепшым шостым гульцом лігі.

У складзе «азёрных» баскетбаліст двойчы стаў чэмпіёнам НБА ў 2009 і 2010 гадах. Акрамя таго, ён выйграваў чэмпіянат свету – 2010 і бронзу Алімпійскіх гульняў – 2004 у складзе зборнай ЗША.

Вядомы не толькі ў баскетболе

Пасля месяца адносін 27 верасня 2009 года Ламар Адам ажаніўся са свецкай львіцай Хлоі Кардаш'ян.

Іх вяселле стала прыкметнай падзеяй у папулярным рэаліці-шоў «Сямейства Кардаш'ян».

Пазней супольнае жыццё пары было паказанае ў асобным тэлепраекце Khloé & Lamar, які выходзіў у эфір у 2011-2012 гадах.

Праз чатыры гады, 13 снежня 2013 года, Хлоі Кардаш'ян падала на развод, закончыўшы тым самым іх стасункі.