Зяленскі: Я не просты ў перамовах, але закон - не дэбаты

• 4.06.2025, 18:51

Прэзідэнт Украіны адказаў Трампу.

Прэзідэнт Украіны Уладзімір Зяленскі заявіў, што ён «не просты» ў тых пытаннях, якія тычацца перамоў.

Пра гэта паведамляе РБК-Украіна са спасылкай на заяву Зяленскага.

У час размовы з журналістамі Зяленскі нагадаў аб важнасці падтрымкі прэзідэнтам ЗША Дональдам Трампам санкцый супраць Расеі.

Пры гэтым прэзідэнт сказаў, што «вельмі важна, каб потым ніхто не сказаў, што Зяленскі складаны ў перамовах».

«Я не просты, але ёсць заканадаўства. Заканадаўства нельга сюды-туды... гэта не дэбаты, таму ёсць тое, што ёсць. І таму важна, каб мы ўсе былі паслядоўнымі. Я падтрымліваю паслядоўнасць, якую прапанаваў амерыканскі бок - спыненне агню або санкцыі. Мы не хацелі санкцыі супраць нас, мы падтрымліваем спыненне агню. Расейцам? Напэўна, ім усё адно, тады просім ужыць санкцыі», - сказаў Зяленскі.

Варта нагадаць, што на днях Трамп назваў Зяленскага «ўпартым». Дарэчы, журналіст адзначыў, што каманда амерыканскага прэзідэнта «мае справу з вельмі ўпартым Уладзімірам Пуціным». На што той адказаў: «А яшчэ, з вельмі ўпартым Зяленскім».