Нетаньяху можа страціць уладу?

• 5.06.2025, 11:17

Кіроўная кааліцыя ў Ізраілі на мяжы раскідання.

У Ізраілі наспявае палітычны крызіс: лідары артадаксальнага альянсу «Аб'яднаны юдаізм Торы» пад ціскам старэйшых рабінаў рыхтуюцца пакінуць кіроўную кааліцыю прэм'ер-міністра Біньяміна Нетаньяху. Прычына - адсутнасць прагрэсу ў прыняцці закона, які вызваляе студэнтаў духоўных школ (ешіў) ад вайсковай службы. Пра гэта паведамляе газета The Jerusalem Post.

У сераду вядоўца рабін Мошэ Гілель Хірш заявіў, што ён «імаверна» праінструктуе адну з фракцый альянсу пакінуць кааліцыю «найбліжэйшым часам» праз няздольнасць урада прыняць закон, які вызваліў бы большасць мужчын-ультраартадоксаў ад службы ў войску.

Паведамляецца, што «Дэгель ха-Тора», адна з дзвюх фракцый «Аб'яднанага юдаізму Торы», супольна з партыяй «Агудас Ісраэль» ужо прасоўвае законапраект аб роспуску Кнэсета, што можа прывесці да датэрміновых выбараў.

Раней рэлігійныя партыі патрабавалі прыняць закон да свята Шавуот (2 чэрвеня), пагражаючы дэстабілізацыяй ўрада ў выпадку няўдачы.