У расейскім войску ўпершыню ўсплылі мінамёты і ракетныя сістэмы з Паўночнай Карэі

• 5.06.2025, 14:36

Z-блогеры падвялі Крэмль.

Расейскія вайсковыя блогеры на гэтым тыдні раскрылі малавядомыя факты аб экспарце зброі Пхеньянам: яны ўпершыню размясцілі фота рэдкіх 60-мм і 140-мм мінамётаў. 60-мм мінамёт апынуўся ў дэсантнікаў 76-й штурмавой дывізіі, піша The Moscow Times.

Ёст Ойлманс, экспэрт ва ўзброеных сілах КНДР, сказаў NK News, што фатаграфіі – гэта першае сведчанне, што гэтыя сістэмы задзейнічаны ў вайне Расеі і Украіны. Ён адзначыў, што такія мінамёты з'яўляюцца неад'емнай часткай сіл Паўночнакарэйскіх спецаперацый.

60-мм мінамёт мае калібр краін NАТО і мог быць спробай капіявання заходняй зброі. Эфектыўнасць 60-мм мінамёта застаецца незразумелай, бо аўтаматычныя гранатамёты былі больш зручнымі, піша адзін з Z-блогераў.

Яшчэ адной унікальнай зброяй з арсенала КНДР з'яўляецца 140-мм мінамёт. 230-кілаграмовы мінамёт можа вырабляць 10-12 стрэлаў на хвіліну на адлегласць 8 км. Ойлманс кажа, што гэты самаходны мінамёт распрацаваны ў 1980-1990-х гадах, а фота расейскіх вайсковых блогераў даюць першае ўяўленне аб працы гэтай сістэмы ўзбраення. Экспэрт кажа, што такі мінамёт упершыню быў заўважаны падчас параду з нагоды 60-годдзя паўночнакарэйскага войска ў 1992 годзе. Ён быў выраблены ў 1981 годзе.

Расейскія вайсковыя блогеры таксама паведамілі аб з'яўленні на перадавой яшчэ адной паўночнакарэйскай артылерыйскай сістэмы — 107-мм буксаваных рэактыўных сістэм залпавага агню (РСЗА) тып-75 з Паўночнай Карэі, якая з'яўляецца копіяй кітайскай.

Раней было вядома, што Расея атрымала ад Паўночнай Карэі 170-мм гаўбіцы «Коксан», а таксама мільёны боепрыпасаў для савецкіх гармат і гаўбіц. З верасня 2023 года КНДР паставіла Расеі больш за 20 000 кантэйнераў з вайсковымі грузамі. Паводле ацэнкі паўднёвакарэйскага аналітычнага цэнтра KIDA, грузы маглі каштаваць больш за $20 млрд.