Трамп патэлефанаваў Сі

• 5.06.2025, 16:23

Размова адбылася на ініцыятыву амерыканскага боку.

Прэзідэнт ЗША Дональд Трамп і старшыня КНР Сі Цзіньпін правялі тэлефонную размову. Аб гэтым паведамляюць кітайскія дзяржСМІ. Паводле інфармацыі выдання, размова адбылася на ініцыятыву амерыканскага боку.

Падрабязнасці размовы пакуль не прыводзяцца. Белы дом паведамляў, што лідары найбліжэйшым часам абмяркуюць тарыфную дамову і іншыя гандлёвыя пытанні.

У пачатку траўня ў Жэневе ЗША і Кітай дамовіліся аб узаемным скарачэнні тарыфаў на 90 дзён. КНР знізіў тарыфы да 10%, Штаты - да 30%. Неўзабаве пасля гэтага спадар Трамп заяўляў аб «поўнай перазагрузцы» ў дачыненнях дзвюх краін. Пазней амерыканскі прэзідэнт абвінаваціў кітайскія ўлады ў парушэнні Жэнеўскага пагаднення.