Трамп прапанаваў Маску крытыкаваць яго, а не «вялікі і выдатны» праект

• 5.06.2025, 19:45

Дачыненні паміж прэзідэнтам ЗША і бізнэсоўцам абвастраюцца.

Прэзідэнт ЗША Дональд Трамп заявіў, што прадпрымальніку Ілану Маск, які пайшоў з дзяржаўнай службы, трэба было крытыкаваць яго асабіста, а не яго «вялікі і выдатны законапраект». Такое меркаванне кіраўнік дзяржавы выказаў на супольнай прэс-канферэнцыі з нямецкім канцлерам Фрыдрыхам Мэрцам.

«Мне заўсёды падабаўся Ілан, і гэта заўсёды вельмі здзіўляе ...> Я б палічыў за найлепшае, каб ён крытыкаваў мяне, а не законапраект, бо законапраект неймаверны», - заявіў рэспубліканец.

Эканамічны законапраект Трампа, які рэалізуе яго перадвыбарныя абяцанні, афіцыйна называецца One Big Beautiful Bill («Адзін вялікі цудоўны біль»). Гэты дакумент падаўжае падатковыя паслабленні, уведзеныя рэспубліканцам у 2017 годзе, касуе падаткі на чаявыя і аплату звышурочнай работы, павялічвае столь дзяржпазыкі да $4 трлн, падатковыя льготы на выплату адсоткаў па аўтакрэдытах і інш. Адначасова ён скарачае выдаткі на праграмы сацыяльнай аховы, такія як Medicaid (праграма медыцынскага страхавання для малазабяспечаных і непрацаздольных грамадзян).

У траўні праект прыняла палата прадстаўнікоў амерыканскага кангрэса, зараз яго разглядае сенат.

На думку Маска, ініцыятыва павялічыць «і без таго гіганцкі дэфіцыт бюджэту» да $2,5 трлн і «абцяжарыць грамадзян Амерыкі непасільным абавязкам». «Ганьба тым, хто прагаласаваў за яго: вы ведаеце, што паступілі няправільна», – напісаў бізнэсовец днём раней у сацыяльнай сетцы X. Ён назваў дакумент абуральнай і «агіднай брыдотай».