Літва ўручыла Беларусі ноту пратэсту праз парушэння мяжы

• 7.06.2025, 10:58

Улады Літвы запатрабавалі ад беларускага боку неадкладнага тлумачэння.

6 чэрвеня ў Міністэрства замежных спраў Літоўскай Рэспублікі быў выкліканы прадстаўнік амбасады Беларусі, якому ўручаная нота пратэсту. Нагодай стаў інцыдэнт, які адбыўся ўвечары 4 чэрвеня, калі з беларускага боку было зафіксавана парушэнне дзяржаўнай мяжы Літвы.

Паводле звестак Службы аховы дзяржаўнай мяжы, трое ўзброеных асоб перасеклі мяжу і зайшлі на тэрыторыю Літвы з Беларусі. Парушэнне было зафіксавана супрацоўнікамі заставы Віленскага памежнага атрада.

«Паводле папярэдніх звестак, падчас патрулявання яны маглі зайсці на літоўскі бок на адлегласць да двух метраў і адразу ж вярнуцца ў Беларусь», — паведамляла памежная служба.

Улады Літвы запатрабавалі ад беларускага боку неадкладнага тлумачэння таго, што адбылося, і заклікалі прыняць усе неабходныя меры, каб падобныя інцыдэнты не паўтараліся ў будучыні.