ДАІ абвясціла маштабныя «фільтры» і «Павуцінне» па ўсёй Беларусі

• 7.06.2025, 12:30

Стала вядома, што чакае кіроўцаў з 7 да 10 чэрвеня.

У ДАІ Беларусі паведамілі, што з 7 да 10 чэрвеня маюць намер зладзіць па ўсёй краіне спецыяльныя мерапрыемствы. Гаворка ідзе пра «фільтры» і «павуціне». А значыць беларускім кіроўцам трэба падрыхтавацца да масавых прыпыненняў і праверак, піша «Тэлеграф».

Сутнасць «фільтраў» - перацяць дарогу і пакінуць толькі адну паласу. Праверкі праводзяць, як правіла, на выходных, і нават на хуткасных трасах. Спыняюць амаль усе аўтамабілі.

Яны пройдуць пад дэвізам «П'янаму і бяспраўнаму не месца на дарозе!». Галоўная мэта маштабнага мерапрыемства - «выяўленне і спыненне парушэнняў ПДР нецвярозымі, у тым ліку пешаходамі і веласіпедыстамі».

Для гэтага ўсе патрулі ДПС паабяцалі перавесці на «ўзмоцнены варыянт нясення службы».

Таксама для выяўлення парушэнняў у ДАІ паабяцалі выкарыстоўваць сістэму камер, устаноўленых па ўсёй Беларусі. У той жа час, экіпажы ДАІ накіруюцца бліжэй да месцаў адпачынку, аб'ектаў гандлю і забаў, якія працуюць у 22-х гадзінным рэжыме.

«Рэйдавыя групы спецпадраздзялення ДПС «Страла» МУС выбылі ў найбольш аварыйныя рэгіёны. Супрацоўнікі накіраваныя на прынцыповую ацэнку дзеянняў асоб, якія дапускаюць грубыя парушэнні ПДР», — паведамілі ў Дзяржаўтаінспекцыі.

Там распавялі, што з пачатку 2025 года ўжо «выявілі» больш за 4 600 фактаў кіравання транспартнымі сродкамі ў стане ап'янення.