Newsweek: Газавая мара Пуціна згасла

• 7.06.2025, 15:32

Газпрам адмовіўся ад газавага хабу ў Турцыі.

Расейская кампанія "Газпрам" ціха закрыла праект стварэння газавага хабу ў Турцыі, які павінен быў вярнуць Расеі пазіцыі на еўрапейскім рынку пасля ўварвання ва Украіну, піша Newsweek (пераклад - сайт Charter97.org).

Пасля спынення паставак праз паўночны струмень і заканчэнне транзітнай дамовы з Украінай у 2024 годзе Масква разглядала Турцыю як альтэрнатыўны маршрут для экспарту газу ў Еўропу. Аднак "Газпрам" прызнаў праект эканамічна немэтазгодным.

Пуцін актыўна прасоўваў праект і нават атрымаў падтрымку Анкары, якая імкнецца стаць міжнародным газавым хабам. Але турэцкая старана намагала на праве самастойна прадаваць расейскі газ, што Крэмль не гатовы быў прыняць.

Аналітыкі адзначаюць, што з пачатку канфлікту ва Украіне Еўропа пачала актыўна адмаўляцца ад расейскага газу, павялічыўшы закупкі ў Нарвэгіі і ЗША. Еўразвяз плануе цалкам спыніць імпарт газу з РФ да 2027 года.

Акрамя палітычных супярэчнасцяў, перашкодай для праекта сталі і тэхнічныя абмежаванні: існая інфраструктура ў Турцыі не здольная забяспечыць значныя аб'ёмы паставак у ЕЗ.

Расея спадзяецца кампенсаваць страты на еўрапейскім рынку пастаўкамі газу ў Кітай праз будучы трубаправод “Сіла Сібіры – 2", аднак праект пакуль не атрымаў ухвалу Пекіна. Альтэрнатыўны маршрут праз Казахстан таксама не выклікае цікавасці ў Кітая.

Такім чынам, амбіцыйны план Пуціна ў аднаўленні ўплыву ў Еўропе праз Турцыю, відавочна, канчаткова зазнаў няўдачу.